ಶಂಕರ್ ನಾಗ್ ಮಾಡಿದ ಮೊದಲ ಸಿನಿಮಾಕ್ಕೆ ಬಂದಿತ್ತು ಎಂಟು ಪ್ರಶಸ್ತಿ! 26 ನೇ ವಯಸ್ಸಿಗೆ ಶಭಾಷ್ ಎನ್ನಿಸಿಕೊಂಡಿದ್ದ
ಕನ್ನಡ ಚಿತ್ರರಂಗದ ಅಪರೂಪದ ಕಲಾವಿದ,ಎಂದು ಮರೆಯಲಾಗದ ಮಾಣಿಕ್ಯ, ಆಟೋರಾಜ ಶಂಕರ್ ನಾಗ್ ಅವರ ಹುಟ್ಟು ಹಬ್ಬ ಇದೆ ಬರುವ ನವೆಂಬರ್ ಅಲ್ಲಿ ಬರಲಿದೆ. ಕರಾಟೆ ಕಿಂಗ್ ಶಂಕರ್ ನಾಗ್ ಅವರು ಜನಿಸಿದ್ದು ಕನ್ನಡದ ರಾಜ್ಯೋತ್ಸವವನ್ನು ಎಲ್ಲೆಡೆ ತಿಂಗಳು ಪೂರ್ತಿ ಆಚರಿಸುವ ನವೆಂಬರ್ ತಿಂಗಳಲ್ಲೇ ಎನ್ನುವುದು ವಿಶೇಷ! ನವೆಂಬರ್ ೯ ರಂದು ಕನ್ನಡದ ಅಪ್ಪಟ ಪ್ರೇಮಿ ಶಂಕರ್ ನಾಗ್ ಅವರ ಜನನ .
ಶಂಕರ್ ನಾಗ್ ಎನ್ನುವ ಪ್ರತಿಭೆ ಕನ್ನಡಕ್ಕೆ ಸಿಕ್ಕಿದ್ದು ಕನ್ನಡದ ಭಾಗ್ಯಗಳಲ್ಲಿ ಒಂದು. ನಟ , ನಿರ್ದೇಶಕ, ನಿರ್ಮಾಪಕ, ಕನಸುಗಾರ, ಜವಾಬ್ದಾರಿಯುತ ಪ್ರಜೆ ಹೀಗೆ ಅವರ ಪಾತ್ರಗಳು ಸಿನಿಮಾ ಹಗಲು ಸಿನಿಮಾ ಹೊರತಾಗಿ ತುಂಬಾ ಇದೆ. ಎಲ್ಲ ಪಾತ್ರಗಳಲ್ಲೂ ಅವರು ಹೀರೋ. ಆದರೆ ಇಂತಹ ವ್ಯಕ್ತ್ಯ ಬಾಳಲ್ಲಿ ವಿಧಿ ಬಹುಶ ವಿಲ್ಲನ್ ಅನ್ನಬೇಕೋ ಅಥವಾ ಯಾರನ್ನ ದೂಷಿಸಬೇಕು ತಿಳಿಯದು.ಒಟ್ಟಿನಲ್ಲಿ ಹೀಗೆ ಬಂದು ಹಾಗೆ ಹೋದರು ಕನ್ನಡದ ಶಂಕರಣ್ಣ. ಶಂಕರ್ ನಾಗ್ ಅವರ ಹುಟ್ಟು ಹಬ್ಬದ ನಿಮಿತ್ತ ಅವರನ್ನ ನೆನೆಸಿಕೊಳ್ಳುವ ಸಣ್ಣ ಪ್ಯಯತ್ನ ಇದು.
ಶಂಕರ್ ನಾಗ್ ಬದುಕಿದ್ದರೆ ಈಗ ಅವರಿಗೆ ೭೧ ವರ್ಷ ತುಂಬುತ್ತಿತ್ತು.ಆದರೆ ಅವರಿಲ್ಲ ಅವರ ನೆನಪುಗಳು ಮತ್ತು ಅವರು ಮಾಡಿದ ಸಾಧನೆ ಗಳು ಮಾತ್ರ ನಮ್ಮನೆಲ್ಲ ಕಾಡುತ್ತಿವೆ. ಅವರು ಮಾಡಿದ ಸಾಧನೆಗಳು ಎಂತಹದು ಗೊತ್ತೇ? ಅವುಗಳನ್ನು ಮುಂಬರುವ ಪೀಳಿಗೆಗಳು ನೋಡಭಡೆ ವಿನಃ ಸಾಧಿಸುವ ಅಸಾಧ್ಯವಲ್ಲ ಆದರೆ ಕಷ್ಟವಿದೆ. ಯಾಕೆಂದರೆ ಒಂದು ಬೆಟ್ಟಕ್ಕಿಂತ ಒಂದು ಬೆಟ್ಟ ದೊಡ್ಡ ಇರುವ ಹಾಗೆಯೇ ಪ್ರತಿಭೆ ಕೂಡ. ಆದರೆ ಮುಂದೆ ಒಂದು ದಿನ ಶಂಕರ ನಾಗ ಅವರ ಮೀರಿಸುವ ಪ್ರತಿಭೆ ಬಂದರೆ ಹೆಮ್ಮೆಯೇ ಆದರೆ ಆಗ ಕೂಡ ಅವರನ್ನ ಜನ ನೆನಪಿಸಿಕೊಳ್ಳುತ್ತಾರೆ,”ಶಂಕರ್ ನಾಗ್ ಕೂಡ ಹೀಗೆ ಇದ್ದರು” ಅಥವಾ “ಶಂಕರ್ ನಾಗ್ ಅವರನ್ನ ಮೀರಿಸಿದ ಪ್ರತಿಭೆ” ಎಂದು .
1954 ನವೆಂಬರ್ 9ರಂದು ಹೊನ್ನಾವರದಲ್ಲಿ ಜನಿಸಿದರು ಶಂಕರ್ ನಾಗ್! ಆದರೆ ಶಂಕರ್ ನಾಗ್ ಕೇವಲ ತಮ್ಮ 36ನೇ ವಯಸ್ಸಿನಲ್ಲೇ ಅಪಘಾತದಲ್ಲಿ ಮರಣ ಹೊಂದಿದರು ಇದು ಅಂದು ಇಡೀ ಭಾರತವನ್ನ ದಿಗ್ಭ್ರಮೆಗೊಳಿಸಿದ ಘಟನೆ. ಕೇವಲ ೧೨ ವರ್ಷಗಳ ತಮ್ಮ ಸಿನಿಮಾ ಪಯಣದಲ್ಲಿ ಶಂಕರ್ ನಾಗ್ ನಟಿಸಿದ್ದು ೮೦ ಕ್ಕೂ ಅಧಿಕ ಸಿನೆಮಾಗಳಲ್ಲಿ. ಅಂದರೆ ಒಂದು ವರ್ಷಕ್ಕೆ ೮ ಕ್ಕೂ ಅಧಿಕ ಸಿನೆಮಾಗಳಲ್ಲೂ ಸರಾಸರಿ. ಇದು ಒಬ್ಬ ನಟ ಹಾಗು ನಿರ್ದೇಶಕ ಆಗಿರುವ ಶಂಕರ್ ನಾಗ್ ಅವರಿಂದ ಮಾತ್ರ ಸಾಧ್ಯವೇನೋ!
“ಶಂಕರ್ ನಾಗ್ ನಿರ್ದೇಶನ ಮಾಡಿದ ಎಲ್ಲ ಸಿನಿಮಾ ಹಿಟ್!”
ಕೇವಲ 7 ವರ್ಷಗಳ ಅವಧಿಯಲ್ಲಿ ಬರೋಬ್ಬರಿ 9 ಚಿತ್ರಗಳಿಗೆ ಶಂಕರ್ ನಾಗ್ ನಿರ್ದೇಶನ ಮಾಡಿದ್ದರು.ಅದರಲ್ಲಿ ಹಿಂದಿ ಮತ್ತು ಇಂಗ್ಲಿಷ್‌ ಒಂದೊಂದು ಸಿನಿಮಾವೂ ಇದೆ. ಅವರು ನಿರ್ದೇಶಿಸಿದ ಎಲ್ಲ ಸಿನಿಮಾಗಳು ಯಶಸ್ವಿಯಾದವು. ‘ ಗೀತಾ ‘ ಚಿತ್ರದ ಹಾಡುಗಳು ಇಂದಿಗೂ ಕೂಡ ಯೌಟ್ಯೂಬ್ ಅಂತ ಪ್ಲಾಫಾರ್ಮ್ ಅಲ್ಲಿ ಹೆಚ್ಚು ಹೆಚ್ಚು ವೀಕ್ಷಣೆ ಪಡೆಯುತ್ತಿವೆ.”ಮೊದಲ ಚಿತ್ರದಲ್ಲೇ ಶಂಕರ್ ನಾಗ್ ಗಳಿಸಿದ್ದೆಷ್ಟು ಗೊತ್ತೇ?”
ಮೊದಲ ಚಿತ್ರಕ್ಕೆ ಎಂಟು ಅವಾರ್ಡ್‌ ಪಡೆದಿದ್ದರು ಶಂಕರ್ ನಾಗ್.
ಸಹೋದರ ಅನಂತ್ ನಾಗ್ ಅವರು ಹಾಗೂ ಲೋಕನಾಥ್‌ ಮುಖ್ಯಭೂಮಿಕೆಯಲ್ಲಿ ಇರುವ ‘ಮಿಂಚಿನ ಓಟ’ ಸಿನಿಮಾ ಮಾಡಿದ್ದರು ಶಂಕರ್ ನಾಗ!. ಅದರಲ್ಲಿ ಶಂಕರ್ ನಾಗ್ ಕೂಡ ನಟಿಸಿದ್ದರು. ಮಿಂಚಿನ ಓಟ ಸಿನಿಮಾ ನಿರ್ದೇಶಿಸಿದಾಗ ಶಂಕರ್ ನಾಗ್ ಗೆ ಇನ್ನೂ 26 ವರ್ಷ ವಯಸ್ಸು. ಆದರೂ ಅವರ ಈ ಸಿನಿಮಾ ಯಶಸ್ವಿಯಾಗಿ ಹಲವಾರು ಪ್ರಶಸ್ತಿ ಪಡೆದಿತ್ತು. ಚೊಚ್ಚಲ ಚಿತ್ರಕ್ಕೆ ರಾಜ್ಯ ಸರ್ಕಾರದಿಂದ ‘ಅತ್ಯುತ್ತಮ ದ್ವಿತಿಯ ಚಿತ್ರ’, ‘ಅತ್ಯುತ್ತಮ ನಟ’, ‘ಅತ್ಯುತ್ತಮ ಚಿತ್ರಕಥೆ’,’ಅತ್ಯುತ್ತಮ ಪೋಷಕ ನಟ’, ‘ಅತ್ಯುತ್ತಮ ಸಂಕಲನ’, ‘ಅತ್ಯುತ್ತಮ ಛಾಯಾಗ್ರಹಣ’, ‘ಅತ್ಯುತ್ತಮ ಧ್ವನಿಗ್ರಹಣ’ ಪ್ರಶಸ್ತಿಗಳು ಸಿಕ್ಕಿದ್ದವು. ಜತೆಗೆ ಶಂಕರ್ ನಾಗ್ ‘ಅತ್ಯುತ್ತಮ ನಿರ್ದೇಶಕ’ ಫಿಲಂಫೇರ್‌ ಪ್ರಶಸ್ತಿ ಕೂಡ ಗೆದ್ದಿದ್ದರು.
About the Author
